الشروط والأحكام

آخر تحديث: ٨ نوفمبر ٢٠٢٦

الاتفاق

لما تعمل حساب على ذاكرو أو تستخدمه، إنت موافق على الشروط دي وعلى سياسة الخصوصية. لو إنت تحت ١٨ سنة، لازم ولي أمرك يكون عارف وموافق.

الخدمة

ذاكرو تطبيق مراجعة لطلبة أولى ثانوي في مصر: دروس وأسئلة مكتوبة من كتب الوزارة طبعة السنة دي، وزيكو للشرح، وخطة مذاكرة، وامتحانات تجريبية وشهرية. السنين التانية هتنزل قريب.

ذاكرو مساعد للمذاكرة ومش بديل عن المدرسة أو الكتاب المدرسي. بنراجع المحتوى بعناية، بس لو لقيت غلطة ابعتلنا ونصلحها.

زيكو ذكاء اصطناعي وممكن يغلط، وبيرد في المذاكرة بس.

حسابك

حساب واحد لكل رقم موبايل، وبيتفتح على جهازين بحد أقصى. الحساب ليك إنت بس، ومينفعش تشاركه أو تبيعه.

السنة الدراسية بتتختار أول مرة، ولو اخترت غلط تطلب تغييرها والدعم يوافق.

الاشتراك والدفع

الأسعار: ٢٤٩ جنيه في الشهر، أو ٧٩٩ للترم، أو ١٤٩٩ للسنة، شاملة كل المواد.

تجربة مجانية: ٣ أيام لأي حساب جديد مرة واحدة.

الدفع: بإنستاباي، وبترفع صورة الإيصال، والاشتراك بيتفعّل بعد ما نتأكد منه.

النقط: نقطك بتخصم من السعر لحد ١٥٪ من أي خطة.

الاسترجاع: تقدر تسترجع فلوسك كاملة خلال ٣ أيام من الدفع، من «الدعم الفني».

الاشتراك مش بيتجدد لوحده: لما المدة تخلص، بتدفع تاني لو عايز تكمل.

الاستخدام المقبول

في المجتمع وسؤال وجواب: احترم زمايلك. ممنوع الشتيمة، والتنمر، وتسريب الامتحانات، وأرقام التليفون أو اللينكات أو أي طريقة تواصل برا التطبيق.

ممنوع الغش في الامتحان الشهري أو الدوري، أو محاولة اختراق التطبيق، أو استخدام برامج آلية.

لو حصل ده، ممكن نشيل الكلام، أو نوقف الجوايز، أو نقفل الحساب.

المحتوى والملكية

الشرح والأسئلة والتصميم في ذاكرو ملكنا. المنهج نفسه بتاع وزارة التربية والتعليم، وبنكتب الشرح بكلامنا ومش بننسخ الكتاب.

النوت اللي بتكتبها ملكك إنت.

حدود المسؤولية

بنعمل كل اللي نقدر عليه عشان التطبيق يفضل شغال ومحتواه صح، بس مش بنضمن نتيجة امتحان معينة، ومش مسؤولين عن انقطاع النت أو الخدمات اللي برانا.

إنهاء الحساب والتغييرات

تقدر توقف وتطلب مسح حسابك في أي وقت من «الدعم الفني».

لو غيرنا الشروط دي تغيير مهم، هنقولك في التطبيق قبلها. القانون المصري هو اللي بيحكم الشروط دي.

الإيموجي المتحركة من Noto Emoji بتاعة Google (رخصة CC BY 4.0) · رسمة التخرّج لـ Happy Cheese على LottieFiles · رسمة الطالب لـ jignesh gajjar على LottieFiles